Bronse til Solveig!

EM for ungdomslag blei spelt 9. – 15. juli i Riga, Latvia. Frå klubben vår var Solveig Dræge med på det norske U16- laget. Det blei ei svært tett og jamn turnering der3 laget var med å kjempa om gullet heilt til siste slutt. Dessverre blei det eit surt tap mot Israel i siste kamp, og dermed tredjeplass. Likevel ein kjempeprestasjon av laget. Dei andre som spelte på laget var Theodor Lillejord (makker til Solveig), Mathea Undheim Harding, Rebecca Malene Skreibrok, Brage Hansen Moe og Markus Hansen Moe.